أنا متجوزه من أكتر من سنه ونص وعندى بنوته عندها 8 شهور
انا متجوزه من اكتر من سنه ونص وعندى بنوته عندها 8 شهور
انا وجوزى عايشين
فى شقه فى بيت اهله ومشكلتى حماتى!!!
دايما تعمل معايا مشاكل والمشكله الاهم
ان مفيش حد يجيبلى حقى ولا حتى يطيب بخاطرى
حمايا واخوات جوزى وحتى جوزى
كلهم بيدافعوا عنها حتى لو هى غلطانه ويغلطونى انا برغم انى مش بعمل حاجه ولا بغلط فيها غير
انى بس برد عليها احيانا وبعدلها احيانا
وهى عزلتنا عنهم وبقينا انا وبنتى بناكل لوحدنا فى
شقتنا ومحدش بيسـأل عننا ولا بيطمن علينا منهم وكأننا فى بلد تانى ومحدش قادر يقولها لا على حاجه حتى حمايا وانا مش قادرة انزل تحت و
اقعد معاهم زى الاول خوفا من المشاكل وزهقت من الوحده لان جوزى بيسافر معظم
الاسبوع وانا خايفه المشاكل دى تخلينى اخسر جوزى لاننا لحد مانقدر نطلع
نسكن بره مش قبل على الاقل سنه ونص
مش عارفه اعمل ايه احاول اقرب منها عشان خاطر بنتى ماتترباش لوحدها وتتعب من الوحده ولا افضل لوحدى انا وهى بعيد عنهم
