إللى كان خطيبى وصاحبــه !!!!!!!

إللى كان خطيبى وصاحبــه !!!!!!!

** انا كنت بحب شخص وربنا كرمني واتخطبنا

 واستمرت علاقه الحب بالخطوبه 3 سنين حبيته جدا وعملت كتير اوي عشانه وكنت بساعده كتير جدا ماديا من ورا اهلي وكان راتبي له وكنت بستلف واعطيله مقابل انه يعمل شقتنا واعيش زي أي بنت تتمني انها تعيش مع حبيببيها

 حتي شبكتي انا حطيت فيها اكتر منه فلوس .. قلت مش مهم كله يهون عشان اعيش معاه..

حصل مشاكل كتير جدا والدته كانت ديما توبخني وديما مش عاجبها حالي كنت بستحمل وربنا يعلم اني ديما مش كنت بحكيله من انها كانت بضايقني جدا

 بس دايما كنت بقوله دي مامتك دي تكرمها عني .

 المهم المشاكل ازدادت قالي مش هينفع اعمل شقتي قولتله مش مشكله هناخد ايجار

 قالي مش هيبقي فيه عفش الا اوضه نوم وانتريه قولتله موافقه اتنازلت وقولت مش مشكله ..

برده المشاكل زادت فضلت مخطوبه سنه ومفروض ع اتفاقه مع اهلي ان الفرح بعد سنه ونص ..

يقولي ف الاخر امي مش راضيه بالفرح الا بعد سنتين كمان واخدت مني الفلوس اللي كانت معايا انا طبعا اعترضت ع الكلام دا قلتله حرام اهلي مش هيوافقوا

 قالي خلاص ( ف داهيه ) لا انتي لامي ؟

طبعا حاولت افهمه ان الوضع دا مش ينفع فضل يكرر ليا لانا لامه

 قولتله امك طبعا لان هي اللي ربتك وعلمتك ومش ينفع تعصيها قالي خلاص كل شئ نصيب وبكل سهوله اتصل علي اهلي وقالهم بنتكم عندكم .

وطالبته بالفلوس اللي اعطتها له قالي ملكيش حاجه عندي مع اني استلفت واداينت ف الفلوس دي ..

 فضلت شهور احاول انساه مش عارفه ..

صاحبه حاول يرجعنا لبعض الموضوع فشل صاحبه دا دخل حياتي بطريقه غريبه وقالي هو حبني ومستعد يعمل أي حاجه عشاني وقالي انتي اتظلمتي منه ولازم اجبللك حقك وحقك هيكون انك تبقي مراتي

 وبيحصل مشاكل كتير لان اللي كان خطيبيي دا عرف ان صاحبه دا بيكلمني بس هو محترم وكويس جدا وكلم اهلي ف البيت ومستعد للخطوبه بس انا مش عارفه اعمل ايه مش عارفه افكر ونفسيتي تعبانه جدا مش عارفه الصح فين ؟؟؟؟؟؟؟