طــريقتى فى عمــل البسبوســه
المقاديــــــر:
نصف كيلو دقيق سميد
200 جرام سكر بودره
25 جرام جوز هند
100 جرام زبده سائله
150 جرام لبن حليب
مقدار من شربات الحلويات
نصف ملعقه باكينج بودر
الطريقــــــــه:
يوضع الحليب +الزبده+السكر+العسل +2 ملعقه قشطه {دى اختيارى }مش شرط
ونضرب الخليط ده مع بعضه
وبعد كده نجيب دقيق السميد +ربع كوب جوز الهند+نصف ملعقه باكينج بودر {ونخلطهم مع بعض}
وبعدين نقلب الخليط كله على بعضه
ونقلب مش كتير{علشان تبقى مرمله مش طريه قوى}
ونحضر صينيه وندهنها زيت او سمن ونضع فيها الخليط ونساويه ونوزعه فى الصينيه {نبل ايدى ماء ونساوى الخليط}
بعد كده نجيب سكينه ونحدد بيها القطع {لا نقطعها} نحدد مكانها بس عشان نزين البسبوسه باللوز او البندق
وندهن وشها زبده سايحه وندخلها الفرن اللى يكون شغال من اول ما بدانا نعمل البسبوسه على درجه حراره180ونتركها لمده 25:30 دقيقه
بعد ما تستوى نسقيها وهى سخنه بسيرب خفيف سخن {2كوب سكر+2كوب ماء+عصير ليمونه}
وبعد ما تبرد نقطعها وبالهنا والشفا
