برنامج عـلاجى مكثف لــ إطالة الشعــر وزيادة كثافتـه
عباره عن أمبولات وشامبو وفيتامين وحمام زيت وحمام كريم
1- أمبولات
أمبولات أناستيم Ducray Anastem
فايدة الأمبولات دي بتغذي فروة الرأس وبتحسن الدورة الدموية وبتطول عمر الشعره فتعطيها وقت وفرصة إنها تطول الشعره
لما
يكون عمرها قصير وبتقع بسرعه دا هايخليها ماتلحقش تطول فلما نطول عمرها
هانعطيها وقت ومجال لتطول بالإضافة إلى توفير التغذية المناسبة ليها
طريقة الإستخدام:
فقط 3 مرات بالأسبوع .. في كل مره تاخدي نصف الأمبول وتدلكي بيه فروة الرأس تدليك
خفيف وممنوع غسل الشعر بعدها لمدة يوم كامل يعني غسل الشعر ممكن يكون قبل الأمبول وليس بعده لمدة
يوم الأمبولات تستخدم تقريبا 3 شهور
********
2- شامبو
شامبو إكرينال للنساء Ecrinal shampoo for wonen
فيه نوعين نوع للنساء ونوع للرجال كلمة للنساء مكتوبة عليه For women
الشامبو ده هايحسن من سمك الشعره بإذن الله
**********
3- فيتامينات
فيتامينات فايتوفانير كبسول لتساقط الشعر وتقوية الأظافر
Phytophanere capsule for hairloss
الجرعة : كبسولتين يوميا في جرعة واحدة
العلبة بتكفي شهرين
الفيتامين ده لمدة شهرين
البديل :
لأن فيتامين فايتوفانير غالي .. فممكن بديل له وكويس جدا
فيتامينات ماتيرنا Materna كبسولتين أو 3 كبسولات باليوم
أو حبوب سينتروم
*******
4- حمام زيت
أهم شئ يكون فيه الزيوت دي لأنها بتساعد على التطويل
اللي يتوفرلك من الزيوت التالية إعملي بيه خلطة زيوت
(( زيت سدر - زيت صبار - زيت حصالبان وهو نفسه زيت الروز ماري أو إكليل الجبل - زيت زيتون - زيت سمسم - زيت لوز حلو - زيت خروع ))
طريقة الإستخدام :مره إلى مرتين بالأسبوع فقط على فروة الرأس مع تدليك خفيف وتركه ساعتين أو 3 ساعات قبل غسل الشعر
******
5- حمـــام كريــم
زي حمام كريم فاشكول أو حمام كريم من لوريال أو فاتيكا
وده يتحط على الشعر فقط وليس فروة الرأس بعد غسل الشعر بالشامبو تحطي حمام الكريم ربع ساعة وتشطفيه بماء بارد
عموما حمام الكريم أي حمام كريم مناسب ومرتاحيله
**
ممكن إضافة نقطتين من زيت اللوز أو نقطة زيت خروع لكمية حمام الكريم اللي
هاتستخدميها لو شعرك شديد الجفاف << فقط نقطتين بالظبط <<
وبنبه تاني حمام الكريم يوضع فقط على الشعر وليس فروة الرأس ويتم شطفه بماء بارد
::
الكورس دا تقريبا 3 شهور أو 4 شهور وهاتلاقي تحسن واضح بإذن الله لو اتبعتي كل الجدول بالظبط وكل النصايح
وقبل ماتبدأى فى البرنامج إستشيرى الطبيب وشوفى الأصناف مناسبه ليكى ولا لاء
